पाचगणी न्यूज नेटवर्क
तापोळा : आगामी काळात होणाऱ्या जिल्हा परिषद व पंचायत समितीमध्ये सगळे गट तट बाजूला ठेवून सगळ्या पदाधिकाऱ्यांना बरोबर घेऊन गटामध्ये व गणामध्ये निवडणुका कशा जिंकता येईल यासाठी प्रयत्न करा. यासाठी सर्व तळागाळातील पदाधिकारी यांना बरोबर घेऊन काम करा व पंचायत समिती वर भगवा फडकवा असे आवाहन उपमुख्यमंत्री एकनाथ शिंदे यांनी केले.
उपमुख्यमंत्री एकनाथ शिंदे हे दरे गावी आले असता शिवसेनेचे नवोदित सातारा उपजिल्हाप्रमुख संजय शेलार व उपजिल्हा संघटक समीर चव्हाण यांनी भेट घेऊन जिल्ह्यातील राजकारणाची चर्चा केली. यावेळी मार्गदर्शन करताना उपमुख्यमंत्री एकनाथ शिंदे बोलत होते. यावेळी आम्हाला मिळालेल्या नवीन जबाबदारी यशस्वीपणे पार पडू दे असे आशीर्वाद दोघांनीही यावेळी आदरणीय शिंदे साहेबांकडून शेलार व चव्हाण यांनी घेतले.
तुम्हाला मिळालेल्या पदाचा योग्य वापर करून सर्वांना बरोबर घेऊन संघटना वाढवण्यासाठी प्रयत्न करा असेही यावेळी शिवसेनेच्या पदाधिकाऱ्यांना कानमंत्र दिला. यावेळी महाबळेश्वर शिवसेना शहरप्रमुख विजय भाऊ नायडू , विभाग प्रमुख बाळू माने व शिवसैनिक उपस्थित होते.
तालुक्यात शिवसेनेच्या माध्यमातून झालेला विकास जनतेपर्यंत पोहोचवा त्याचप्रमाणे गाव तिथे शाखा स्थापन करा जिल्हा परिषद पंचायत समिती साठी कुठलीही हेवेदावे न ठेवता जनतेसमोर विकासाचे कामे घेऊन जा कुठल्याही परिस्थितीमध्ये जिल्हा परिषद पंचायत समिती वरती भगवा फडकायलाच पाहिजे यासाठी आजपासूनच कामाला लागा असे आदेशही यावेळी उपमुख्यमंत्री एकनाथ शिंदे कार्यकर्त्यांना दिले.
