पांचगणी न्यूज नेटवर्क
पांचगणी : पाचगणीचे सामाजिक कार्यकर्ते श्री. प्रसाद लक्ष्मण कारंजकर यांच्याकडून पाचगणी गिरीस्थान नगरपरिषद शाळेमधील विद्यार्थ्यांना छत्री वाटप करण्यात आले. या उपक्रमाचे सर्व स्तरातून अभिनंदन होत आहे.
पांचगणी येथील नगरपालिका शाळेच्या मुला मुलींना आज छत्री वाटप कार्यक्रम संपन्न झाला. यावेळी रोटरीचे माजी अध्यक्ष स्वप्निल परदेशी, रोटरी सदस्य हिमांशू पुरोहित, प्रमोद कासुर्डे, भूपेंद्र बोधे , मुख्याध्यापक लक्ष्मण हिरवे, सुहास कापसे, साहेबराव गोळे , सौ वंदना शिंदे, इतर शिक्षक , अंगणवाडी सेविकाव इतर सहकारी उपस्थित होते.
यावेळी बोलताना प्रसाद कारंजकर म्हणाले “आपण आपल्या समाजाचे काही तरी देणे लागतो. या भावनेने
समाजाने आपल्याला भरपूर काही दिलं आहे शिक्षण, संधी, ओळख आणि जबाबदारी या सर्वांचे ऋण फेडण्याचा एक छोटासा प्रयत्न म्हणून, आम्ही विद्यार्थ्यांना छत्र्या दिल्या आहेत.
पावसाळ्यात शाळेत येताना कोणत्याही अडचणीचा सामना न करता ही मुलं शिकावीत, त्यांची स्वप्नं ओलावू नयेत, म्हणून हा उपक्रम हाती घेतला असल्याचेही यावेळी श्री. कारंजकर यांनी सांगितले.
यावेळी बोलताना लक्ष्मण हिरवे म्हणाले ही छत्री म्हणजे केवळ एक वस्तू नाही. ती आपल्या प्रेमाचं, मायेचं आणि जबाबदारीचं प्रतीक आहे. त्यामुळे विद्यार्थांनी याचा उपयोग करून आपला सर्वांगीण विकास साधावा असे सांगितले.
सर्वसामान्य कुटुंबातील विद्यार्थ्यांना छत्र्या मिळाल्या यामुळे त्यांच्या चेहऱ्यावर आनंद ओसंडून वाहत होता. या वेळी लक्ष्मण हिरवे यांनी सर्वांचे स्वागत केले तर
अशीच सकारात्मक पावलं उचलत राहूया असं सांगत त्यांनी या उपक्रमात सहकार्य लाभलेल्या सर्वांचे आभार मानले.
