पांचगणी न्यूज नेटवर्क
सातारा : सातारा पोलीस मुख्यालयात उत्साहात योग दिवस विविध उपक्रमांनी उत्साहात साजरा करण्यात आला.
यावेळी जागतिक विश्वविक्रमवीर योगा डाॅ.जान्हवी इंगळे यांनी सर्वांकडून खालील आसने, प्राणायाम, ध्यान करून घेतले. यावेळी प्रार्थना, सुक्ष्म व्यायाम, योगिक, जाॅगिंग,ताडासन ,वृक्षासन,पादहस्तासन त्रिकोणासन अर्धचक्रासन ,भद्रासन, उत्तानमंडूकासन, उष्ट्रासन ,शशांकआसन भुजंगासन शलभासन
सेतुबंधासन,पवनमुक्तासन ,उत्तानपदासन, शवासन , कपालभाती, अनुलोम विलोम,भ्रामरी प्राणायाम तसेच विविध ध्यानाचे प्रकार घेण्यात आले.
योग निरामय आयुष्याची गुरुकिल्ली आहे हा एक महत्वाचा आणि खरा विचार आहे. नियमित योगा केल्याने शारीरिक आणि मानसिक आरोग्य सुधारते, तसेच तणाव कमी होतो आणि एकूण जीवनशैलीत सकारात्मक बदल घडतात. असे मत यावेळी पोलीस उपअधीक्षक राजीव नवले यांनी व्यक्त केले
यावेळी शाहूपुरी पोलीस ठाण्याच्या सहाय्यक पोलीस निरीक्षक प्रियंका बाबर मॅडम यांनी मार्गदर्शन करताना सांगितले की, “आपले सर्वांगीण आरोग्य उत्तम ठेवण्यासाठी आणि सकारात्मकता निर्माण होण्यासाठी योग हे उत्तम साधन आहे.” त्यांनी पोलिसांचा ताण तणाव कमी करण्यासाठी आपल्या जीवनशैलीमध्ये व्यायामाला स्थान देऊन दररोज किमान २० मिनिटे योगासाठी वेळ देण्याचे आवाहन केले.
यावेळी सहाय्यक पोलीस निरीक्षक बिले, बाबर, कांबळे, पोलिस निरीक्षक राठोड,जगदाळे, पोलिस उपनिरीक्षक मोहोळ वेल्फेअर विभाग यादव मॅडम तसेच दिडशे हून अधिक पोलिस कर्मचारी अधिकारी, सातारा शहर, सातारा तालुका, शाहुपुरी वाहतूक नियंत्रण शाखा विभाग उपस्थित होते.
