पांचगणी न्यूज नेटवर्क
वाई : ‘पुण्यश्लोक अहिल्यादेवी होळकर’ यांच्या 300 व्या जयंती वर्षानिमित्त पशुसंवर्धन विभागामार्फत श्री करुणा मंदिर सेवा प्रतिष्ठान गोशाळेमध्ये लसीकरण सर्व पशुधनाचे जंतनिर्मूलन, गोचीड निर्मूलन, करण्यात आले.
पशुधनाविषयी असे आरोग्य शिबिर संपूर्ण राज्यभर घेण्यात यावे. असे आव्हान संवर्धन मंत्री पंकजाताई मुंडे, तसेच पशुसंवर्धन आयुक्त रामस्वामी एन. आणि पशुसंवर्धन आयुक्त डॉ. प्रवीणकुमार देवरे यांनी केले होते. त्यांच्या आवाहनाला प्रतिसाद देत श्री करुणा मंदिर सेवा प्रतिष्ठान गोशाळेत हे आरोग्य शिबिर डॉक्टर राजेंद्र पार्टे यांच्या मार्गदर्शनाखाली घेण्यात आले. जैन बांधवांच्या जीवदयाच्या भावनेतून गेली वीस वर्षे करुणा मंदिर येथे कक्तली पासून वाचवलेली गोवंश व गाईंचा सांभाळ करण्यात येतो. वर्षभर गायींसाठी विविध आरोग्य शिबिरे, औषधोपचार, खाद्य चाऱ्याची व्यवस्था करुणा ट्रस्ट मार्फत केली जात असल्याचे. गोशाळेचे अध्यक्ष दीपचंद ओसवाल , उपाध्यक्ष ललितजी गुंदेचा, सचिव प्रफुल्ल मेहता,संचालक राकेश ओसवाल, सुरेश बोहरा, उमेदमल मुथा यांनी यावेळी सांगितले. सद्यस्थितीला गोशाळेमध्ये 550 पेक्षा अधिक गोवंशी असल्याचे व्यवस्थापक विवेक भिडे सांगितलं आहे.
पशुसंवर्धन विभागाच्या या उपक्रमांमुळे शेतकरी, पशुपालक पालकांशी थेट संवाद साधला जात असल्याने शासनाचे विविध उपक्रम, योजना तसेच पशुपालन व्यवस्थापना विषयी माहिती पशुपालकांना देणे शक्य होत असाल्याचा विश्वास मंत्री पंकजा मुंडे यांनी व्यक्त केला आहे.
